Steinnes - Ræktunarbú

Þá er hún köstuð, merin sem við höfum beðið eftir með hvað mestri eftirvæntingu. Fyrsta Orrabarnið sem í Steinnesi er fætt, betra seint en aldrei er sagt. Kom það fyrir fáeinum dögum en ekki hefur gefist tími vegna anna til að koma þeirri frétt hérna inn.

Undan Kröflu höfðum við vonast eftir að fá brúna hryssu, varð okkur ekki að ósk okkar að þessu sinni og fengum við einungis brúnan hest, það er þó skárra en rauður hestur. Er þetta fínasta folald, háfætt og hálsinn er ágætlega mjúkur, verður sérstaklega gaman að fylgjast með þessum í uppvextinum.