Steinnes - Ræktunarbú

Agnar og Birna hafa tamið fyrir okkur síðan 2008 en þá fékk Agnar Kiljan í hendurnar. Hrossin frá okkur hafa þau sýnt í kynbótadóm með góðum árangri sbr. Kiljan, Dofra og Tjald frá Steinnesi en þeir hafa allir hlotið fyrstuverðlaun. Birnu höfum við þekkt töluvert lengi en hún vann hjá okkur hérna í Steinnesi einn vetur fyrir nokkrum árum og í gegnum hana kynntumst við Agnari.
Þau hafa sem stendur tvo stóðhesta frá okkur í sínum höndum. Það eru þeir Munkur og Tjaldur en fyrirtækið sem þau eiga Sporthestar ehf. er eigandi Tjalds að hálfu.

Munkur er stóðhestur á fjórða vetur, móálóttur að lit undan fyrstuverðlauna merinni Musku frá Sigríðarstöðum sem er í okkar eigu og undan verðlauna hestinum Adam frá Ásmundarstöðum. Agnar tók við honum fyrir tæplega tveim vikum og líkar vel við. Við teljum að þessi hestur muni eiga erindi á Landsmót í sumar en hann er byggingarlega séð fallegur og alhliða á gangi. Nú er bara að sjá hvað setur og hvernig folinn þróast fram eftir vetri.

Tjaldur er brúnskjóttur foli, einnig undan Adam og svo undan Sif frá Steinnesi sem er móðir Gamms frá Steinnesi og efnilegs Aronssonar sem hægt er að lesa frekar um í pistlinum og tamningar hjá Tryggva Bjöss.
Tjaldur fór í fyrstuverðlaun  síðastliðið sumar og vonum við að hann bæti sig nokkuð örugglega í hæfileikum næsta sumar.

Ætli ég láti þetta ekki duga núna.

Jón Árni.