Steinnes - Ræktunarbú

Óli á Sveinsstöðum hefur síðast liðna vetur stundað tamningar fyrir okkur með fínum árangri. Rétt um einn kílómeter er milli Steinnes og Sveinsstaða svo hann kemur dag hvern og ríður út hjá okkur. Í ár hefur hann með sér tvær tamningar stúlkur, önnur þeirra er sænskur verknemi hjá honum frá Hólum og hin er óbreytt sænsk. Óli hefur ein 6 hross tamningu fyrir okkur hér í Steinnesi.
 
Þau hross sem hann hefur í höndum er eftirfarandi:

Baugalín frá Steinnesi, undan gæðingnum Árdísi frá Steinnesi ( Gammsdóttir með 9 tölt ) og Baug frá Víðinesi. Baugalín er rauð að lit og á fjórða vetri. Hún er rétt um mánaðar tamin sem stendur og líst okkur alls ekki illa á það sem hún hefur að bjóða. Rúm á tölti og brokki og sýnir fínan fótaburð. Vonandi kemst hún í dóm í vor.

Ör frá Steinnesi, brún Gammsdóttir á fjórða vetri. Hún var í frumtamningunum á Hólum og er því orðin vel reiðfær. Hún fer ágætlega af stað og er frekar lík Gammsbörnum í tamningu. Hún er frekar myndarleg og stór og verðu að öllum líkum fínt reiðhross.

Þáttur frá Steinnesi. Er sex vetra foli undan Bjarkari frá Blesastöðum, hann var í tamningu fyrir áramót hjá Tóta og Ásdísi Helgu en þau voru með tamningarmiðstöð að Grund í Eyjarfirði. Þetta er stór og fallegur foli og verðu fínn reiðhestur í framtíðinni.

Vordís frá Steinnesi er brúnskjótt Gammsdóttir af Össukyninu okkar sem hefur gengið einkar vel með sem kynbótarkyn. Hún er á fjórðavetur og er rétt reiðfær en hún var hjá Sibbu og Jonna á Hæli í haust. Hún var að koma á hús og er beðið eftir að sjá hvað hún mun sýna fram eftir vetri.

Skjóna frá Steinnesi, er meri sem Jósef Magnússon á en hann er elsti ræktandinn á bænum. Hún er rétt á frumtamningar stigi og vitum við fátt annað en að hún er sjálf tamin og þæg.

Klerkur frá Steinnesi er brúnn foli á sjötta vetur undan Kná frá Steinnesi sem er elsta afkvæmi Kylju frá Steinnesi. Klerkur er eflings hestur en einnig bara rétt á frumtamningar stigi en lofar góðu sem feikna reiðhestur, með fótaburð og myndarlegur. Hann er einnig í eigu Jósefs.

Nú er að bíða og sjá hvað setur með þessi hross en læt þetta gott heita í bili.

Jón Árni